पिंपळनेरमधील तरुणांच्या सामाजिक कार्याचा सन्मान; कुर्डुवाडी पोलिसांकडून विशेष सत्कार
|
😊 कृपया इस न्यूज को शेयर करें😊
|
पिंपळनेरमधील तरुणांच्या सामाजिक कार्याचा सन्मान; कुर्डुवाडी पोलिसांकडून विशेष सत्कार
कुर्डुवाडी:
कोणतीही आपत्कालीन परिस्थिती असो वा रस्ता अपघात, नेहमीच देवदूत बनून मदतीला धावून जाणाऱ्या पिंपळनेर (ता. माढा) येथील सामाजिक कार्यकर्ते व तरुणांचा आज दिनांक १५ ऑक्टोबर २०२६ रोजी कुर्डुवाडी पोलीस ठाण्यात विशेष सत्कार करण्यात आला. कुर्डुवाडी पोलीस ठाण्याचे पोलीस निरीक्षक श्री. अतुल मोहिते यांच्या हस्ते हा गौरव सोहळा पार पडला. पोलिसांच्या या कौतुकास्पद पाऊलामुळे पिंपळनेरच्या तरुणांच्या कर्तव्यभावाचा सन्मान झाला असून, सर्वत्र त्यांचे अभिनंदन होत आहे.
अपघातात बजावली मोलाची भूमिका
कुर्डुवाडी-पिंपळनेर परिसरात अनेकदा रस्ते अपघात किंवा इतर आपत्कालीन प्रसंग उद्भवतात. अशा वेळी शासकीय यंत्रणा पोहोचण्यापूर्वी पिंपळनेरमधील तरुण जीवाची पर्वा न करता तात्काळ घटनास्थळी दाखल होतात. जखमींना वेळेत रुग्णालयात पोहोचवणे, त्यांना प्रथमोपचार मिळवून देणे आणि पोलिसांना कायदेशीर प्रक्रियेत मदत करणे यामध्ये या तरुणांचा नेहमीच मोठा सहभाग असतो. त्यांच्या याच तत्परतेमुळे आजवर अनेकांचे प्राण वाचले आहेत.
पोलीस ठाण्यात पाठीवर कौतुकाची थाप
तरुणांच्या या निस्वार्थी आणि उल्लेखनीय सामाजिक कार्याची दखल घेत कुर्डुवाडी पोलीस स्टेशनचे पोलीस निरीक्षक श्री. अतुल मोहिते यांच्या मार्गदर्शनाखाली आज पोलीस ठाण्यात एक विशेष कार्यक्रम आयोजित करण्यात आला होता. याप्रसंगी उपस्थित सर्व तरुणांचा सन्मानचिन्ह व पुष्पगुच्छ देऊन जाहीर गौरव करण्यात आला.
“पिंपळनेरचे तरुण संकटकाळात ज्या प्रकारे तत्परतेने मदत करतात, ते अत्यंत कौतुकास्पद आहे. पोलीस आणि जनता यांच्यातील समन्वयाचे हे उत्तम उदाहरण असून, इतर गावातील तरुणांनीही या तरुणांचा आदर्श घ्यावा,” असे गौरवद्गार याप्रसंगी बोलताना पोलीस निरीक्षक श्री. अतुल मोहिते यांनी काढले.
आज पार पडलेल्या या सत्कार सोहळ्याबद्दल पिंपळनेर ग्रामस्थांनी अत्यंत आनंद व्यक्त केला असून, तरुणांच्या या ग्रुपवर सोशल मीडिया आणि सर्व स्तरातून कौतुकाचा वर्षाव होत आहे.
पिंपळनेर पोलीस पाटील राहुल पेटकर यांनी पोलीस प्रशासनाचे व सत्कार मूर्तींचे आभार मानले.
पोलिस निरीक्षक अतुल मोहिते साहेब सा.पोलीस निरीक्षक श्री अरविंद गटकुळ साहेब, श्री लोंढे साहेब, श्री गोरे साहेब, श्री डोंगरे साहेब, श्री चाकणे साहेब सर्व कुर्डूवाडी पोलीस स्टेशन कर्मचारी वर्ग उपस्थित होते.
|
Whatsapp बटन दबा कर इस न्यूज को शेयर जरूर करें |
Advertising Space
