धानोरीत अंमली पदार्थ विरोधी पथकाची मोठी कारवाई; दोघांना अटक, २१ लाखांचा मुद्देमाल जप्त

धानोरीत अंमली पदार्थ विरोधी पथकाची मोठी कारवाई; दोघांना अटक, २१ लाखांचा मुद्देमाल जप्त
पुणे : धानोरी परिसरात अंमली पदार्थ विरोधी पथक-२ ने धडक कारवाई करत मेफेड्रॉन (एम.डी.) व डोडा चुरा बाळगणाऱ्या दोन आरोपींना अटक केली असून त्यांच्या ताब्यातून तब्बल २१ लाख १३ हजार ७४८ रुपयांचा मुद्देमाल जप्त करण्यात आला आहे.
दि. १५ मे २०२६ रोजी अंमली पदार्थ विरोधी पथक-२ ला मिळालेल्या गोपनीय माहितीच्या आधारे चक्रधर निवास, लेन नं. १, सिद्धार्थनगर, जकात नाक्याजवळ, धानोरी येथे आरोपींच्या राहत्या घरी छापा टाकण्यात आला. या कारवाईत आरोपी करणसिंह प्रेमसिंह राजपुरोहित (वय ४१) व राजुसिंह सहदेवसिंह राजपुरोहित (वय ४२) यांना ताब्यात घेण्यात आले.
पोलीसांनी केलेल्या झडतीमध्ये आरोपींकडून १०२.९१ ग्रॅम मेफेड्रॉन (एम.डी.), १०२.३८ ग्रॅम डोडा चुरा, दोन मोबाईल फोन, रोख रक्कम व इलेक्ट्रिक वजनकाटा असा एकूण २१,१३,७४८ रुपयांचा मुद्देमाल जप्त करण्यात आला.
याप्रकरणी विश्रांतवाडी पोलीस स्टेशन येथे गुन्हा रजिस्टर नं. २३२/२०२६ अन्वये एनडीपीएस अॅक्ट कलम ८(क), २१(क), १७(अ), २९ प्रमाणे गुन्हा दाखल करण्यात आला असून पुढील तपास पोलीस उपनिरीक्षक महेश भोसले करीत आहेत.
सदर कारवाई पुणे शहर पोलीस आयुक्त अमितेश कुमार, अपर पोलीस आयुक्त पंकज देशमुख, पोलीस उपआयुक्त विवेक मासाळ व सहाय्यक पोलीस आयुक्त शंकर खटके यांच्या मार्गदर्शनाखाली वरिष्ठ पोलीस निरीक्षक पंडीत रेजितवाड, सहायक पोलीस निरीक्षक नितीनकुमार नाईक तसेच पोलीस अंमलदार राजस शेख, योगेश कुंभार, सतीश चव्हाण, प्रशांत कळसकर, शरद धांडे, अमोल सोनवणे, संदीप देवकाते, देविदास वांढरे, दिनेश बास्टेवाड, महिला पोलीस अंमलदार सुकेशिनी आंबले, सुरेखा साबळे, आरती दिवेकर व वैशाली माकडी यांनी पार पाडली.

Advertising Space