थेऊरगावात ‘एक गाव एक शिवजयंती’ उत्साहात; झांज पथक, ढोल-ताशांचा गजर आणि मैदानी खेळांनी जल्लोष
|
😊 कृपया इस न्यूज को शेयर करें😊
|
थेऊरगावात ‘एक गाव एक शिवजयंती’ उत्साहात; झांज पथक, ढोल-ताशांचा गजर आणि मैदानी खेळांनी जल्लोष
पुणे जिल्ह्यातील थेऊरगाव येथे “एक गाव एक शिवजयंती” उपक्रमांतर्गत छत्रपती शिवाजी महाराजांची जयंती यंदा पाचव्या वर्षी मोठ्या उत्साहात साजरी करण्यात आली. गावातील विविध मंडळे, युवक व ग्रामस्थांच्या सहभागातून हा सोहळा जल्लोषात पार पडला.
शिवजयंती निमित्त गावात भव्य मिरवणूक काढण्यात आली. झांज पथक व ढोल-ताशांच्या गजरात वातावरण दणाणून गेले होते. पारंपरिक वेशभूषेत सहभागी झालेल्या युवकांनी आणि लहान मुलांनी मिरवणुकीत उत्साहाने सहभाग नोंदवला. “जय भवानी, जय शिवाजी”च्या घोषणांनी संपूर्ण परिसर शिवमय झाला होता.
या कार्यक्रमात मैदानी खेळांचेही आयोजन करण्यात आले होते. गावातील युवकांनी पारंपरिक खेळांचे सादरीकरण करून उपस्थितांचे लक्ष वेधून घेतले. ग्रामस्थांनीही मोठ्या संख्येने उपस्थित राहून कार्यक्रमाचा आनंद घेतला.
“एक गाव एक शिवजयंती” या संकल्पनेमुळे गावातील सर्व समाजघटक एकत्र येऊन शिवजयंती साजरी करत असल्याने सामाजिक ऐक्याचा संदेश दिला जात असल्याचे आयोजकांनी सांगितले. थेऊरगावातील ही परंपरा गेल्या पाच वर्षांपासून सातत्याने जपली जात असून यंदाही ती उत्साहात पार पडली.
|
Whatsapp बटन दबा कर इस न्यूज को शेयर जरूर करें |
Advertising Space
आणखी कथा
