दिपावलीनिमित्त व्होळे खुर्द येथे अल्पदरात साखर वाटप

माढा : प्रतिनिधी कुंदन वजाळे

माढा मतदारसंघातील ऊस उत्पादक शेतकरी व सभासदांसाठी विठ्ठलराव शिंदे सहकारी साखर कारखान्याच्या वतीने दिपावली सणानिमित्त अल्पदरात साखर वाटप करण्यात आले. माढा तालुक्याचे माजी आमदार तथा विठ्ठलराव शिंदे सहकारी साखर कारखान्याचे अध्यक्ष बबनदादा शिंदे यांच्या संकल्पनेतून हा उपक्रम राबविण्यात आला.

व्होळे खुर्द येथे झालेल्या या साखर वाटपामुळे ऊस उत्पादक शेतकरी व सभासदांना दिपावलीच्या पार्श्वभूमीवर दिलासा मिळाला. कारखान्याच्या माध्यमातून सभासदांच्या हितासाठी विविध उपक्रम राबविले जात असल्याचे यावेळी उपस्थितांनी सांगितले.

यावेळी व्होळे गावचे पार्टीप्रमुख सौदागर नाना चोपडे, राजकुमार चोपडे, गोपाळ भोरे, शहाजीराजे चोपडे (नेते), सरपंच प्रतिनिधी औदुंबर चोपडे, माजी उपसरपंच रामचंद्र क्षीरसागर, सुधाकर चोपडे, बाजीराव क्षीरसागर, राजगुरू, अमित चोपडे यांच्यासह शेतकरी व सभासद उपस्थित होते.

दिपावलीनिमित्त अल्पदरात साखर उपलब्ध करून दिल्याबद्दल उपस्थित शेतकरी व सभासदांनी विठ्ठलराव शिंदे सहकारी साखर कारखान्याचे अध्यक्ष बबनदादा शिंदे यांचे आभार मानले.

Tags: दिपावलीनिमित्त व्होळे खुर्द येथे अल्पदरात साखर वाटप