आषाढी वारीसाठी PMPML ची विशेष तयारी; १७९ नियमित व ३२ अतिरिक्त बस, गरजेनुसार आणखी ६० बस सज्ज

आषाढी वारीसाठी PMPML ची विशेष तयारी; १७९ नियमित व ३२ अतिरिक्त बस, गरजेनुसार आणखी ६० बस सज्ज

पुणे, दि. ३ जुलै :
संतश्रेष्ठ श्री ज्ञानेश्वर महाराज आणि जगद्गुरू श्री तुकाराम महाराज यांच्या पालखी सोहळ्यानिमित्त भाविकांच्या सोयीसाठी पुणे महानगर परिवहन महामंडळ (PMPML) ने विशेष बससेवेचे नियोजन केले आहे. ५ जुलै ते ९ जुलै २०२६ या कालावधीत आळंदी, देहू आणि पुणे परिसरात नियमित बससेवेसोबत अतिरिक्त बसची व्यवस्था करण्यात आली आहे.

आळंदीसाठी स्वारगेट, पुणे स्टेशन, हडपसर, मनपा, निगडी, भोसरी, हिंजवडी आणि चिंचवड येथून एकूण १७९ बस चालविण्यात येणार आहेत. याशिवाय ८ जुलै रोजी रात्री १२ वाजेपर्यंत विशेष बससेवा उपलब्ध राहणार आहे.

देहूसाठी पुणे स्टेशन, मनपा आणि निगडी येथून ३२ अतिरिक्त बस सोडण्यात येणार असून, गरजेनुसार आणखी १५ बस उपलब्ध करून देण्यात येतील.

६ जुलै रोजी आळंदीहून पालखी प्रस्थानाच्या पार्श्वभूमीवर पहाटे ५.३० वाजल्यापासून स्वारगेट, पुणे स्टेशन, हडपसर आणि मनपा येथून १८ अतिरिक्त बस चालविण्यात येणार आहेत.

याशिवाय पुणे व पिंपरी-चिंचवड परिसरातील नियमित मार्गांवर सुमारे १५० बस प्रवाशांच्या सेवेत राहणार असून, प्रवासीसंख्येनुसार गरज भासल्यास ६० अतिरिक्त बस सज्ज ठेवण्यात आल्या आहेत.

पालखी सोहळ्यादरम्यान काही मार्गांवर वाहतुकीत बदल होणार असल्याने प्रवाशांनी PMPML च्या पर्यायी बससेवेचा लाभ घ्यावा, तसेच प्रशासनाला सहकार्य करावे, असे आवाहन परिवहन महामंडळाने केले आहे.

Advertising Space