कोलवडी गावातील वीज समस्यांबाबत मनसेचे महावितरणला निवेदन

हवेली तालुक्यातील कोलवडी गावातील विविध वीज समस्यांबाबत महाराष्ट्र नवनिर्माण सेनेच्या वतीने ऊरळी कांचन विभागाचे सहायक अभियंता धाडवे साहेब यांना निवेदन देण्यात आले.

शेतकऱ्यांना शेती पंपासाठी रात्रीच्या वेळेस वीजपुरवठा केला जात असल्याने मोठ्या अडचणींचा सामना करावा लागत आहे. रात्रीच्या वेळी परिसरात बिबट्या व सापांचा धोका वाढत असल्याने शेतकऱ्यांच्या सुरक्षिततेचा प्रश्न निर्माण झाला आहे. त्यामुळे शेती पंपासाठी दिवसा किंवा सकाळच्या वेळेत वीजपुरवठा करण्यात यावा, अशी मागणी निवेदनाद्वारे करण्यात आली.

तसेच गावातील जळालेले रोहित्र त्वरित बदलून देण्यात यावेत व त्यासाठी शेतकऱ्यांना वेठीस धरू नये, अशीही मागणी करण्यात आली. अनेकदा वीजपुरवठा खंडित झाल्यानंतर तो सुरळीत होण्यासाठी उशीर होत असल्याने नागरिकांना त्रास सहन करावा लागत असल्याचे निवेदनात नमूद करण्यात आले. त्यामुळे वीजपुरवठा तात्काळ पूर्ववत करण्यात यावा, अशी मागणी मनसेच्या पदाधिकाऱ्यांनी केली.

यावेळी मनसेचे पुणे जिल्हा उपाध्यक्ष काका गायकवाड, तालुका उपाध्यक्ष धर्मेंद्र गावडे, गंगाराम तांबे, विशाल शेळके आदी उपस्थित होते.

Tags: कोलवडी गावातील वीज समस्यांबाबत मनसेचे महावितरणला निवेदन